Қалың жауған қар Украинада пойыздардың қозғалысына кедергі келтіруде
11:03, 20 Желтоқсан 2009
АСТАНА. Желтоқсанның 20-сы. ҚазАқпарат - Украинада қалың жауған қардың салдарынан 60 пойыз кешігіп жатыр, оның 37-сі- жолаушылар пойызы.
Бұл туралы елдің Көлік және байланыс министрлігіне сілтеме жасап РБК агенттігі хабарлауда.
Проблемалық учаскелерде теміржол қозғалыстарын қалпына келтіру жұмыстарына 10 мыңға жуық адам атсалысуда.
Оған қоса, елдің оңтүстік-шығысындағы Одесса, Северодонецк және басқа да қалалардың әуежайлары уақытша жабылып отыр.
Қалың жауған қар бірқатар күре жолдардағы қозғалыстарды қаңтарып тастады. Жолдарды тазалау жұмыстарына 3 мыңға жуық техника мен 4,5 мыңнан астам адам жұмылдырылып отыр.