АЛМАТЫ. ҚазАқпарат - Камерундық қорғаушы Маки Баньяк «Қайрат» футбол клубынан шығып, Ресейдің «Пари Нижний Новгород» клубына барды, деп хабарлайды ҚазАқпарат тілшісі.
«27 жастағы қорғаушы ресейлік «Пари Нижний Новгород» клубына 2023 жылдың маусым айына дейін жалдау құқығымен көшті. Онда футболшыны сатып алу мүмкіндігі қарастырылған. «Қайрат» футбол клубы Макиге алдағы мансабында табыс тілейді», - делінеді «Қайрат» ФК таратқан хабарламада.
Ал Баньяк Instagram парақашасында ресейлік клубқа сенім білдіргені үшін алғысын айтып, клубтың дамуына аянбай еңбек ететінін жазды. Сондай-ақ, «Қайрат» футбол клубын «менің отбасым» деп атап, оған да өз алғысын айтты.
Фото: fckairat.com
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.