НҰР-СҰЛТАН. ҚазАқпарат - Қазақстандық боксшы Қамшыбек Қоңқабаев (5-0, 4 КО) кәсіпқой бокстағы бесінші жеңісінен кейін BoxRec рейтингінде жағдайын жақсартты, деп хабарлайды ҚазАқпарат тілшісі.
Ол жақында Алматы қаласында MTK Kazakhstan ұйымдастыруымен өткен бокс кешінде өзбекстандық Фаррух Джураевтан (6-6-1, 2 КО) басым түскен еді.
Аталған жекпе-жекте Қамшыбек қарсыласын екінші раундта сүріндірді.
Аталған жеңістен кейін ол BoxRec рейтингінде бірінші ауыр салмақта екі сатыға жоғарылады.
Нәтижесінде 53-орыннан 51-орынға көтерілді.
Айта кетсек, алғашқыда Қамшыбек Қоңқабаев оңтүстікафрикалық Джонни Миллермен (23-9-2, 14 КО) жұдырықтасады деп жоспарланған еді.
Қарсыласы алған жарақатына байланысты жекпе-жектен бас тартты.
Еске салсақ, бұдан бұрын Жәнібек Әлімханұлының әлем чемпионы атағы үшін айқасының қашан өтетіні анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.