Канадалық лайнердің ұшар кезде доңғалағы жұлынып кетті
11:49, 05 Қаңтар 2020
НҰР-СҰЛТАН. ҚазАқпарат - Air Canada компаниясының ұшағы әуеге көтерілер кезде шассиінің бір доңғалағы жұлынып кетіп, шұғыл қонуға мәжбүр болды, деп хабарлайды CBC телеарнасы.
Bombardier Dash 8 әуе лайнері Монреалдан Канаданың Сегеней қаласына ұшу тиіс еді. Төтенше жағдайдан кейін жанармайдың белгілі бір бөлігі таусылғанша бір сағат бойы әуежайдың үстінде айналып ұшып жүруге мәжбүр болған ұшақ, кейін ойдағыдай жерге қонды. 52 жолаушы мен экипаж мүшелерінің ешқайсысы зардап шеккен жоқ.