Қанат Бозымбаев тергеу аяқталмайынша шахтадағы жұмысты жалғастырмауды тапсырды

АСТАНА. KAZINFORM - Премьер-Министрдің орынбасары Қанат Бозымбаев «Қазақмыс» корпорациясы» ЖШС басшылығымен кеңес өткізді.

«Қазақмыс» марқұмдардың отбасыларына қажетті қаржылай көмек көрсетеді, сондай-ақ олардың несиелік қарыздарын өтейді.

- Бізде марқұмның ғана емес, олардың отбасы мүшелерінің де несиелері мен қарызын жабу әдетке айналған. Әр отбасының мұң-мұқтажын мұқият тыңдап, балалардың, оның ішінде кәмелетке толмағандарды оқытуға жұмсалатын шығындар өтелуі керек, - деді Қанат Бозымбаев.

Сондай-ақ отбасыларға республикалық бюджеттен төленетін төлемдер: асыраушысынан айырылуы бойынша мемлекеттік әлеуметтік жәрдемақы, сақтандыру төлемдері, жерлеу рәсіміне жұмсалатын шығындар.

Вице-премьер төлемдерді кешіктірмеуді тапсырды. Тиісті тексерулерден кейін «Қазақмыс Корпорациясы» ЖШС-да байланыс міндеттемелері қайта қаралатын болады.

- Тергеу оның қауіпті немесе қауіпті еместігін анықтағанша, шахтадағы жұмысты қалпына келтіру туралы ойламаңыз. Жүйе мен тәсілдерді түбегейлі өзгерту керек, біз мемлекет тарапынан оны күшейтеміз. Өнеркәсіптік қауіпсіздік комитеті құрылды, заңнамаға өзгерістер енгізіп жатырмыз. Қазіргі уақытта Парламент тиісті заң жобасын қарастырып жатыр, осы заң жобасы аясында мұндай апаттардың алдын алу үшін бізге қосымша өкілеттіктер беріледі. Мемлекет басшысы жан-жақты тексеру жүргізуді тапсырды. Бұл құқық қорғау органдарының сараптамалары, өнеркәсіптік қауіпсіздік комитетінің және еңбек инспекторларының тексерулері. Сіздің міндетіңіз – бұл төтенше жағдайға кім жол бергенін анықтау, - деді Қанат Бозымбаев компания басшылығына сөйлеген сөзінде.

Айта кетейік, Ұлытаудағы кен орнында болған төтенше жағдайға қатысты «Тау-кен немесе құрылыс жұмыстарын жүргізу кезінде қауіпсіздік ережелерін бұзу» бабы бойынша қылмыстық іс қозғалған болатын.

Естеріңізге сала кетейік, Ұлытау облысындағы шахтада апат болып, 7 адам төтенше жағдайда қалған еді.

Оқиға орнына жедел жәрдем бригадалары жөнелтілді. Кабельдердің үзілуіне байланысты жұмысшылармен байланыс жоқ. Шахтада қалған жұмысшылардың тізімі белгілі болды.

Ұлытау облысында шахтаның опырылуына байланысты үкіметтік комиссия құрылған еді.

Іздестіру-құтқару жұмыстары барысында құтқарушылар тобы «Қазақмыс корпорациясының» 6 жұмысшының денесін тапты.

Сондай-ақ шахтада болған төтенше жағдайдың алдын ала себебі аталған еді.

Мемлекет басшысы Ұлытау облысында кеншілердің қаза табуына байланысты көңіл айтты.

Әкімдік қаза болғандардың отбасыларына көмек көрсетеді.

Қаза тапқан кеншілердің отбасыларына жәрдемақылар мен төлемдер тағайындалады.