АСТАНА. KAZINFORM - Жапония астанасы Токио қаласында каноэ мен байдаркада ескек есуден лицензиялық Азия чемпионатына қатысатын қазақстандық спортшылар анықталды.
Құрлықтық дода 18-21 сәуір аралығында өткізіледі. Онда еліміздің атынан Бекарыс Раматулла, Андрей Ергучёв, Мария Бровкова, Сергей Емельянов, Ольга Шмелёва, Сергей Токарницкий, Татьяна Токарницкая, Тимур Хайдаров, Руфина Искакова, Ирина Подойникова, Ульяна Киселёва, Виктор Степанов, Артём Терещенко сынға түседі.
Жарыс барысында жекелей сында финалда алтын және күміс медаль алған спортшылар Олимпиада лицензиясына ие болса, жұптық сайыста тек жеңімпаздарға жолдама бұйырады.
2020 жылғы Токио Олимпиадасында елімізден 7 спортшы ойын көрсетті. Олардың барлығы құрлықтық дода лицензия жеңіп алған еді.
Еске салсақ, бұдан бұрын Қазақстандық спортшылар семсерлесуден әлем кубогінде қола алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.