Ведомство мәліметінше, баға азық-түлік тауарларына өткен айда – 0,9, азық-түлік емес тауарларына, ақылы қызметтерге 0,5 пайыз жоғарылады. Өткен айда бағаның өсуі көкөністерге – 5,6, жұмыртқаға – 1,6, жармаларға – 1,5, макарон өнімдеріне – 1, пастерленген сүтке, сары майға – 0,9, ұнға, мәйекті ірімшікке – 0,8, мұздатылған балыққа, шұжық өнімдеріне, сүзбеге – 0,7, ет өнімдеріне, қышқыл сүт өнімдеріне – 0,6, сиыр етіне, тоқаш және ұннан дайындалатын өнімдеріне, шайға – 0,5, жылқы етіне 0,4 пайыз белгіленді. Темекі өнімдері 1,9 пайызға қымбаттады. Бағаның төмендеуі күрішке – 0,9, құмшекерге, сөкке 0,5 пайыз тіркелді.
Баға өсімі автомобильдерге – 0,7, тоқыма бұйымдарына, тұрмыстық аспаптарға, жиһаз және үйге қажетті заттарға, жеке қолданылатын тауарларға – 0,4, жуғыш және тазалағыш құралдарға, ыдысқа 0,3 пайызды құрады. Бензин – 2,7, дизель отыны, тас көмір 0,3 пайыз қымбаттады.
Баға деңгейі құқықтық, жеке көлiк құралдарын сақтандыру қызметтеріне – 5, мәдени іс-шаралар саласындағы қызметтерге, кабельдік телевизия қызметтеріне – 0,6, денсаулық қызметтеріне 0,5 пайыз өсті. Ішкі қалалық автобуспен жол жүру ақысы 2,9 пайызға қымбаттады, ал жолаушылардың әуе көлігімен тасымалдау ақысы 1,3 пайызға арзандады.
Тұрғын үй-коммуналдық қызметтер саласында тарифтер электр энергиясына 1 пайыз өсті, ал кәрізге – 0,4, суық суға 0,1 пайыз төмендеді.