Канвон-2024: Қазақстан құрамасының хоккейшілері Тайбэйді ірі есеппен жеңді
15:50, 22 Қаңтар 2024
КАНВОН. KAZINFORM – Оңтүстік Кореяның Канвондо қаласында өтіп жатқан IV қысқы жасөспірімдер Олимпиадасында қазақстандық хоккейшілер екінші жеңісіне қол жеткізді. Олар бесінші ойынында Тайбэйден келген қарсыластарын 14:2 есебімен қапы қалдырды.
Енді топтағы соңғы екі ойынды Қазақстан құрамасы Испания мен Ұлыбританияға қарсы өткізеді.
Естеріңізге сала кетейік, қазақстандық хоккейшілер Олимпиаданың алғашқы ойынында Польшаны 18:8 (3:2, 5:4, 10:2) есебімен жеңгенін жазған едік.
Алайда, жарыстың екінші күні Австриядан 8-9 есебімен ұтылса, Латвиядан 11-15 есебімен жеңіліп қалды. Ал бүгін түстің алдында даниялық ойыншыларға қарсы ойында қарсыластарына 8:6 есебімен жол берді.