Канвон-2024: Қазақстандық шорт-трекшілер Олимпиаданы 6 орынмен аяқтады
АСТАНА. KAZINFORM – Бүгін Оңтүстік Кореяның Канвон қаласында IV қысқы жасөспірімдер олимпиадасының алғашқы күні қазақстандық шорт-трекшілер 1500м қашықтықты 6 орынмен аяқтады.
Фото: Нұрғали Жұмағазы
Атап айтсақ, шорт-тректен қыздар арасында 1500 метр қашықтықта Қазақстан намысын Полина Омельчук пен Анастасия Астраханцева қорғаған болатын. Алайда, екеуі де жеңіс тұғырынан көріне алмады.
А финалында сынға түскен Полина Омельчук қашықтықты 2:43.162 уақытында бағындырып, мәре сызығын соңғы 6- болып кесіп өтті. Ал Анастасия Астраханцева В финалында алтыншы болып мәреге жетті.
Бұл сында жеңісті қытайлық Цзиньчжу Ян (2:33,148) жеңіп алды. Оның отандасы Цзинцзи Ли екінші орын алды (2:41,543). Қоланы жапондық Нономи Иноуэ жеңіп алды (2:42,293).
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.