Бұл өткен жылмен салыстырғанда, 17,9 пайызға артық, деп хабарлайды ҚазАқпарат Reuters агенттігіне сілтеме жасап.
«Salesforce» маркетингтік компанияның мәліметіне сәйкес, орташа есеппен әрбір адам 122 долларға шығындалды. Ал «Adobe»-тың ақпараты бойынша аталған көрсеткіш 135 долларға дейін жеткен. Екі күннің ішінде америкалықтар 7,9 млрд долларға онлайн сауда жасаса, бір ғана «қара жұмада» 5,03 млрд-ты жұмсаған. Бұның өзі жаппай сатылымдар тарихындағы ең үлкен сома болып саналады. Америкалықтар PlayStation 4, теледидар, ойыншықтар мен ноутбуктерді көптеп алған.
Айта кетейік, АҚШ-та жыл сайын «қара жұмада» жаппай сатылымдар өтеді. Сол кезде тауарларды екі есе арзанға алуға мүмкіндік бар. «Қара жұма» Ризашылық күнінен кейін ұйымдастырылады. Биыл жаппай сатылымдар 23-24 қараша күндері болды.