Қарағанды облысы Жолаушылар көлігі және автомобиль жолдары басқармасына жаңа басшы тағайындалды

ҚАРАҒАНДЫ.KAZINFORM — Қарағанды облысының жолаушылар көлігі және автомобиль жолдары басқармасында жаңа басшы. Бұл лауазымды Мақсат Әділұлы Мұқашев атқаратын болады.

Мақсат Мұқашевтың «Мемлекеттік және жергілікті басқару», «Көлік құрылысы» мамандықтары бойынша екі жоғары білімі бар.

2011 жылдан бері мемлекеттік қызметте. Еңбек жолын Қарағанды облысының Экономика және бюджеттік жоспарлау басқармасында экономист болып бастаған. Түрлі салаларда жұмыс істедім. Облыс әкімі аппаратында түрлі лауазымдарды атқарды.

2021 жылғы маусымнан бастап осы тағайындауға дейін Қарағанды облысы Жолаушылар көлігі және автомобиль жолдары басқармасы басшысының орынбасары қызметін атқарды.

Осыған дейін өткен аптада елімізде туризм, спорт, қаржы салаларында бірқатар кадрлық ауыс-түйіс болғанын хабарлаған болатынбыз.