Қазір Қарағанды облысында кәмелетке толмаған балаға иттің шабуыл жасау дерегі бойынша тергеу жүргізіліп жатыр. Оқиға 1 мамыр күні Бұқар жырау ауданына қарасты Ақтөбе ауылында болған. Зардап шеккен бала иығындағы ауыр тістелген жарақатпен жедел түрде ауруханаға жеткізілген.
Баланың анасының айтуынша, ит ұлына өз үйлерінің ауласында тап берген.
Әйелдің сөзінше, жануар баланың иығындағы тері мен бұлшық етті жұлып алған.
Сондай-ақ полиция әлеуметтік желілерде тараған ит иесінің құқық қорғау органдарының қызметкері екені туралы ақпаратты жоққа шығарды. Ведомство мәліметінше, бұл деректер шындыққа сәйкес келмейді.
Осыған дейін Алматыда мыңнан астам тұрғын жануарлардан зардап шеккені мәлім болды.