-2025 жылдың 17 қыркүйегінде сағат 00:54-те Ақадыр-Қарағанды учаскесінде Жарық-Дария жол аралығында күзетілмейтін теміржол өткелінде жолаушылар пойызы сағатына 92 км жылдамдықпен келе жатып, алдына Mazda маркілі жеңіл көлігінің шығуына байланысты тежегішті басқан. Өкінішке қарай, пойыз жеңіл көлікті қағып өтті,-делінген компанияның хабарламасында.
Көлік жүргізушісі мен екі жолаушы алған жарақаттарынан мерт болды.
-«ҚТЖ» ҰК» АҚ марқұмдардың туған-туыстарына көңіл айтады және барлық жол қозғалысына қатысушыларды теміржол өткелдерінен өту ережелерін қатаң сақтауға шақырады. Тәуекел деңгейі арта түсетін түнгі уақытта ерекше мұқият болу қажет,-делінге ҚТЖ хабарламасында.
Бұған дейін Қызылжар – Түйемойнақ аралығында №107 жолаушылар пойызы жолда тұрған жүк вагонына байланысты шұғыл тоқтауға мәжбүр болды. Бірнеше жолаушы жеңіл жарақат алды.