ҚАРАҒАНДЫ. KAZINFORM – 11 тамыз сағат 00:10 шамасында «Астана – Қарағанды – Алматы» автожолының 1396-шақырымында, Осакаров ауданына қарасты Батпақты ауылы маңында жол-көлік оқиғасы болды.
Алдын ала мәліметтер бойынша, Toyota Alphard автокөлігінің жүргізушісі рөлге ие бола алмай, көлік аударылған.
Апат салдарынан үш адам қаза тауып, алты адам түрлі жарақат алған.
- Жүргізушілерге жылдамдық режимін қатаң сақтап, жолға шығар алдында көліктің техникалық жай-күйін тексеру қажеттігі ескертіледі, - делінген ҚазАвтоЖол компаниясының дерегінде.
Айта кетейік, Қарағанды маңында мотоцикл жүргізушісі қаза тапты.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.