Қарағандының бас шыршасының шамдары жағылды
АСТАНА. KAZINFORM — Қарағандыда жаңа жылдық мерекелер басталды — Тәуелсіздік алаңында басты шырша жағылды, деп хабарлайды облыс әкімдігінің баспасөз қызметі.
Жүздеген балалар мен ересектер мерекенің басты нышанының маңына жиналды.
Сахнадан қарағандылықтарды Аяз Ата, Ақшақар және 2025 жылдың символы — Жасыл жылан Жаңа жылмен құттықтады.
Мерекелік шыршаны жағу рәсімімен және түрлі-түсті отшашумен аяқталды.
Қарағандылықтар бір-біріне жағымды және жақсы көңіл-күй сыйлады.
— Біз жыл сайын бүкіл отбасымызбен шыршаны жағуға келеміз. Бұл әрқашан әдемі, балаларда тек жағымды эмоциялар қалады. Бағдарламалар қайталанбайды: әр түрлі қойылымдар, костюмдер, әртістер жоғары деңгейде өнер көрсетеді. Бізге ұнайды. Баршаңызға жаңа жылда сәттілік, бақыт, амандық және бар жақсылықты тілеймін, — дейді қарағандылық Жансая Қалиақпарова.
Ал қарағандылық Айнұр Қанатова бұндай мерекелік кешке бірінші рет қатысып отырғанын айтты.
— Ал біз мұнда бірінші рет келдік. Мен немерелеріме жаңа жылдық көңіл-күй сыйлайын деп шештім. Атмосфера керемет! Ұйымдастырушыларға мың алғыс, балалар қуанып қалды! Баршаңызға зор денсаулық, жаңа бастамаларыңызға сәттілік және бейбіт аспан тілеймін, — деп толықтырды Айнұр Қанатова.
Шырша жағылғаннан кейін сахнада жергілікті музыканттар өнер көрсетті.
Қарағандылықтар ән айтып, би билеп қана қоймай, шырша мен шамдармен безендірілген фигуралардың фонында суретке түсті.
Қарағандының орталық саябағында да мерекелік атмосфера қалыптасты.
Жаңа фотоаймақтар қойылған, жарқыраған фигуралар орнатылды.
Бүгін мұнда да шыршаның түрлі-түсті шамдары жанып, мұз айдыны ашылды.
Айта кетейік, осыған дейін Шымкентте жаңа қосылған шырша өртеніп кете жаздағаны белгілі болды.