Қарағанды, Ақмола, Павлодар облыстары аумағындағы жолдарда көлік қозғалысы таңертеңнен бастап жанданды
Бұл туралы «Қазақавтожол» РМК-ның баспасөз қызметінен хабарлады.
Атап айтқанда, кеше Қарағанды облысы аумағында сағат 16:00-ден бастап «Қызылорда-Павлодар» автожолының 1069-1135 шақырымындағы «Молодежный-Павлодар облысы шекарасы» учаскесінде автокөліктің барлық түрлері үшін жол жабылған болатын.
Сондай-ақ Павлодар облысы аумағында да ауа райының қолайсыздығына байланысты (көктайғақ) «Астана-Ерейментау-Шідерті» автожолының 205-259 шақырымы бойындағы «Шідерті-Ақмола облысының шекарасы» учаскесінде автокөліктің барлық түрлері үшін жолға шығуға тыйым салынған еді.
Сонымен қатар аталған уақыттан бері «Қызылорда-Павлодар» жолының 1309-1135 шақырымы аралағында «Қалқаман-Қарағанды облысының шекарасы» учаскесінде автокөліктің барлық түрлері үшін жол қозғалысына шектеу қойылған болатын.
Ал Ақмола облысы аумағындағы «Астана-Ерейментау-Шідерті» автожолының 156-205 шақырымындағы «Ерейментау-Ақмола облысының шекарасы» аралығында автокөліктің барлық түрлері үшін жол жабылғандығы туралы хабарланған еді.
Бүгін таңертеңнен бастап бұл жолдардың барлығы ашылды.