Өңір әкімі Жеңіс Қасымбек облыс әкімдігінің атынан қаза тапқан қазақстандықтардың туған-туыстары мен жақындарына көңіл айтты.
«Осы қиын-қыстау күндерде облыстың барлық тұрғындары сіздермен қайғы-қасіретті бөліседі», - деді Жеңіс Қасымбек.
Еске сала кетейік, еліміздің бірқатар аймақтарындағы қайғылы оқиғалардың салдарынан құқық қорғау органдарының, ҚР Ұлттық ұланының қызметкерлері және еліміздің бейбіт тұрғындарының қаза табуына байланысты Президент Қасым-Жомарт Тоқаев 10 қаңтарды Жалпыұлттық аза тұту күні деп жариялаған болатын.