Бұл туралы облыстық ТЖД баспасөз қызметі хабарлап отыр.
«Қазгидромет» РМК Қарағанды гидрометеорология орталығының хабарлауынша, облыс аумағында 2011 жылдың 24 ақпанында кейбір жерлерде боран тұрып, желдің күші секундына 15-20 метрге жетеді, түнде 27-32 градус, күндіз 23 градус аяз болады деп күтілуде», - деп хабарлады облыстық ТЖД баспасөз қызметі. Синоптиктердің болжауынша, аязды күндер 25-26 ақпан күндері де сақталып, түнде 30-35, күндіз 23 градусқа жетеді, желдің күші секундына 9-14 метрге жетеді.
Осыған орай, құтқарушылар тұрғындарға барлық сақтық шараларын қолдануды қатаң ескертуде, ауа райының құбылуларын қатаң бақылап, мүмкіндігінше алыс жолға шықпау туралы кеңес беруде.