Қарағанды облысында газ желілері қызмет көрсететін компанияға берілуде
Өңірге жұмыс сапары барысында ҰЭМ Табиғи монополияларды реттеу комитетінің төрағасы Асан Дарбаев газдандыру жөніндегі жобаны іске асыру барысымен танысты.
ТМРК басшысына газ тарату пунктілері көрсетілді.
Ол газ қазірдің өзінде жеке үйлерге жеткізілген облыс орталығының Михайловка ауданында болып қайтты.
«Әрине, газ болғаны жақсы. Біз отбасымызбен осы үйде 20 жылға жуық уақыт тұрамыз, көмірмен жылытамыз. Қыста 5-6 тонна сатып аламыз. Газ тиімдірек болады. Бірақ қазандықты қою үшін үйдің ішіне құбыр салу – айтарлықтай шығынды талап етеді. Біз бөліп-бөліп төлейміз деп үміттенеміз», – дейді Западный көшесі тұрғындарының бірі, зейнеткер Аман Әбжанов.
Үш қалада 3 мыңға жуық абонент үйлеріне газ желілері тартылды. Екінші кезектің құрылысы жүргізілуде.
Ол Жезқазған мен Теміртаудағы газ желілерін сенімгерлік басқаруға қабылдады.
Қарағандыда тапсыру үрдісі аяқталып қалды. Компанияның абонент бөлімі ашылды, онда газ қосқысы келетіндер техникалық шарттарды ала алады.
«Біз үлкен жұмыс атқарылғанын көріп отырмыз. Бірінші кезең аяқталуға жақын. Тамыз айында біздің департаментке тарифті бекітуге өтінім беріледі деп күтеміз. Алдын ала көпшілік тыңдаулар өтеді. Барлық тараптардың мүдделері ескерілетін болады. Қазан айының басына дейін облыс бойынша газдың түпкілікті құны анықталады деп ойлаймын», – деді Асан Дарбаев.
Теміртауда сегіз, Жезқазғанда алты іске қосу кешені қарастырылған. Шахтинск, Жаңаарқа және Осакаров аудандарын газдандыру бойынша жобалар әзірленді.
Қаражал, Жәйрем кенті, Бұқар Жырау және Шет аудандары үшін ЖСҚ жасалып жатыр. Биыл Саран қаласында газ құбырының құрылысы басталады.