Қарағанды облысында көктемгі су тасқынынан зардап шеккендерге тұрғын үйлерді тапсыру жалғасып жатыр (ФОТО)
«Самарқан ауылдық округінің Чкалово ауылында 80 отбасының үйі суда қалған. Тәуелсіз сараптама бойынша екі үй (бір және екі пәтерлік) апатты деп танылды. Қазіргі уақытта заманауи технологиялардың қолданылуымен жаңа үйлер салынды. Қалған зардап шегушілерге жөндеу жұмыстарын өткізу және тұрмыстық мүлікті сатып алу үшін жалпы сомасы 113,7 млн. теңге өтемақы төленген», - делінген хабарламада.
Ростовский ауылдық округінің Қызылжар ауылында тәуелсіз сарапшылар су басқан 63 үйді қарап шығып, соның 12-сін апатты және тұруға қолайсыз деп таныды. Қазіргі кезде барлық 12 үй қайтадан салынған. Бұдан басқа, зардап шеккен азаматтар жоғалтқан мүлкі үшін жалпы сомасы 13,7 млн. теңгеден астам сомаға өтемақылар алды.
Ауыл тұрғындары билік пен құрылысшыларға көрсеткен көмегі үшін алғысын айтып отыр. «Жаңа үйіміз заманауи, әдемі, берік. Ұлымыз биыл бірінші сыныпқа барды, көршілердің қызы даярлық тобына қадам басты. Балаларымыз жайлы жағдайда тұрып жатқанына қуаныштымыз», - деп атап өтті Чкалово ауылының тұрғыны Нина Терешина.
«Билік пен еліміздің барлық тұрғындарының қолдауы, салынған жаңа үйлер көктемде бастан өткізген қиындықтарымызды бірте-бірте ұмытуға көмектесті. Барлықтарыңызға көп рахмет», - деді Қызылжар ауылының тұрғыны Валентина Ольрогге.