Индустриялық даму комитетінің төрағасы Азамат Панбаевтың айтуынша, өңірде көмір жеткілікті. Негізгі жеткізушілер – «Шұбаркөл көмір» және «Жалын» кәсіпорындары.
«Қарағанды облысының көмірге қажеттілігі – 1 млн 100 мың тонна. Министрлік жүйелі шаралар қабылдап отыр. Біріншіден, республика деңгейінде тиісті іс-шаралар жоспары әзірленіп, барлық әкімдіктерге жеткізілді. Екіншіден, көмірді автомобиль көлігімен республика аумағынан әкетуге толық тыйым салынады. Үшіншіден, қазіргі уақытта қаулы әзірленіп жатыр, оған сәйкес көмір өндірушілер мен көмір саласында жұмыс істейтін кәсіпорындар ғана көмірді экспорттай алады. Бұл шешімнің негізгі мақсаты – делдалдар санын азайту және болдырмау», - деп түсіндірді Азамат Панбаев өңірлік коммуникациялар қызметінде өткен брифингте.
20 оператордан басқа, облыс орталығының тұрғындары үшін көмір жергілікті кен орындарынан сатылады. Бағалар, жеткізу шарттары және сату орындары туралы толық ақпаратты Қарағанды кәсіпкерлік және ауыл шаруашылығы бөлімінен (8-7212) 42-15-05 нөмірі бойынша алуға болады.
Биыл көмір тапшылығын болдырмау және жүк машиналарының жүргізушілері арасындағы жанжалды жағдайлардың алдын алу үшін «Шұбаркөл Көмір» АҚ разрез аумағындағы алып кету пунктін жауып тастады. Бұл ретте разрезден 100 км радиустағы барлық елді мекендер көмірмен қамтамасыз етіледі.
«2023 жылы биржалық сауда-саттық қорытындысы бойынша коммуналдық-тұрмыстық көмірді көтерме сатып алушы болып «Көмір гарант» ЖШС анықталды. Компания төрт отын пунктін құру туралы шешім қабылдады: екеуі Ұлытау облысында, біреуі Қостанай облысында және біреуі Қарағанды облысының Осакаровка кентінде. Осы отын базаларына көмір жеткізу теміржол көлігімен үздіксіз жүргізілетін болады. Сондай-ақ, халыққа көмір жеткізілетін жақын маңдағы тоғыз пункт анықталды. Біз Баршында құрғақ қойма құрамыз, содан кейін тізімдер бойынша және әкімдіктің бақылауымен көмір тек халыққа сатылатын болады», - деді компания бас директоры Сергей Ким.