Қарағанды облысында шаруашылық нысанның шатыры опырылып, екі сотталушы қаза тапты
11:23, 03 Маусым 2013
АСТАНА. 3 маусым. ҚазАқпарат - Кеше кешкі сағат 17 шамасында Қарағанды облысының Қаражал қаласындағы қатаң тәртіптегі түрменің аумағында орналасқан жатақханаға қарасты шаруашылық нысанның шатыры опырылып құлады.
Апат салдарынан 2 сотталушы ажал құшты. Мекеме әкімшілігі қаза тапқандардың отбасыларына қаржылай көмек көрсетпек.
Жарақаттанған тағы бір сотталушыға медициналық көмек көрсетілді. Қазіргі таңда оның жағдайы орташа, түзету мекемесінің медициналық бөлімінде ем-дом қабылдауда.
Әзірге шатырдың опырылу себептері анықталу үстінде. Жатақхана ғимаратының іргесі 1962 жылы қаланған.
Оқиға орнына жедел жәрдем бригадасы, прокуратура өкілі, Қаражал қалалық ішкі істер органдарының қызметкерлері шұғыл жетті.