Бұл бұқаралық спортты дамытуға және қолданыстағы спорт залдары мен кешендерді тиімді пайдалануға ықпал етеді.
Жоба жүзеге асырыла бастағаннен бергі үш жылда спорт нұсқаушыларының саны 7 есеге өсті. Бүгінде өңірдегі спорт нысандарында 339 адам жұмыс істейді, оның 98-і ауылдық жерлерде. Жоба облыстық бюджеттен қаржыландырылады.
Мысалы, Бұқар жырау ауданының Петровка ауылында көше гимнастикасына арналған алаң жабдықталды.
«Ауылдарға спорт нұсқаушыларын енгізу – дұрыс шешім. Ең бастысы – адамдарға көмектесу. Біздің ауыл спортқа жақын. Жаңа алаңға 9 жастан 16 жасқа дейінгі балалар келеді. Спортпен шұғылдану тегін. Біздің оқушылар жақсы нәтиже көрсетуде. Облыстық чемпионаттарға қатысып, жүлделі орындарға ие болып жатыр. Армрестлинг, штанга көтеру бойынша Қазақстан чемпиондары бар. Ауылымызда салауатты өмір салтын ұстанушылардың көбейгенін көру қуантады», – дейді армрестлинг бойынша облыстың аға жаттықтырушысы және спорт нұсқаушысы Виктор Киселёв.
Жаттығуға бір мезгілде 50 адам қатыса алады. Нұсқаушы сабақты жүргізіп қана қоймай, сонымен қатар өзара көмекке, тәуелсіздікке және тәртіпке тәрбиелейді.
«Мен шайбамен және армрестлингпен айналыстым. Спорт алаңы пайда болған соң өзімді воркаутта сынап көре бастадым. Мен осы спорт түрінен жарысқа қатысқым келеді. Мұнда күн сайын келемін. Достарымызбен бос уақытымызды осында өткізе аламыз», – дейді жас спортшы Данил Бергман.
Спорт әуесқойларына одан да көп жағдай жасау үшін ауылдарда жабық шағын залдар салу туралы идея бар.