Биыл отрядта 14 пен 28 жас аралығындағы 320 адам жұмыс істеді. Олар гүл отырғызып, суарып, қоқыс жинап, абаттандырумен айналысты.
Үздік жауынгерлер сыйлықтармен және алғыс хаттармен марапатталды.
«Жасыл жасақ» қандай пайда әкелгені туралы Қарағанды қаласының Жастар ресурстық орталығында айтып берді.
Жауынгерлер 120 мыңнан астам бір жылдық гүлдер отырғызды. Содан кейін өсімдіктерді баптап, күтіп, суарып отырды, арамшөптерін жұлды. Жасақ мүшелері жалпы аумағы 100 гектардан астам жерде қоқыс жинады. Сондай-ақ орындықтар мен қоқыссалғыштарды ретке келтірді.
Маусым бойы жауынгерлер мүмкіндігінше жастарды жасыл қозғалысқа тарту үшін экологиялық акцияларға қатысты.