Бұл оқиға жөнінде бүгін журналистермен болған апталық брифингте Ішкі істер министрлігі Тіл саясаты және ақпарат департаментінің бастығы Қуаныш Жұманов айтты, деп хабарлайды ҚазАқпарат.
Оның сөзіне қарағанда, оқиға желтоқсанның 3-і күні «Қарағанды-жолаушылар» стансысында орын алған. Мас әйел патрульдік полиция қызметкеріне құжат тексеру кезінде пышақ салған. Тәртіп сақшысына медициналық қызмет көрсетілді, ал әлгі әйелдің үстінен қылмыстық іс қозғалды.