«Балаға суық тиіп, қызуы 38 градусқа дейін көтерілген. Анасы дәрігерге бармай, баласын өзінің білгенімен емдеген. Ол қызуы түспей жатқан баласына Цеф 3 препаратын сатып алып, көрші келіншекке еккізген. Бірнеше минуттан кейін бала клиникалық өлім жағдайына түсіп қалған», - дейді Қарағанды облыстық денсаулық сақтау басқармасының баспасөз хатшысы Айжан Иса.
Қазір 2 жасар бала жан сақтау бөлімінде жатыр, жағдайы ауыр. Оған жасанды өкпе желдеткіші жалғанған.
«Бұл препаратты тек дәрігер тағайындайды, бірақ рецептісіз беріледі. Өз бетімен ем-дом жасау, әсіресе балаларға дәрігердің нұсқауынсыз екпе жасау қауіпті», - деді Айжан Иса.