Бұл туралы ҚР Байланыс және ақпарат министрі Асқар Жұмағалиев өзінің Twitter-дегі парақшасында хабарлады.
«Халыққа қызмет көрсету орталықтары жөніндегі комитетке және жол полициясына Қарағандыда автомашиналарды тіркейтін және жүргізушілер куәлігін беретін арнайы халыққа қызмет көрсету орталығын (ілкі жоба) ашу мүмкіндігін зерделеу тапсырылды», - деп жазды А.Жұмағалиев.
Министр мұндай шешім бүгін ҚР Байланыс министрлігі мен ҚР Ішкі істер министрлігінің бірлескен кеңесі барысында қабылданғанын нақтылады.