Мәселен, өткен аптада Қарағандыда жұмыс режимін бұзған, сондай-ақ олардың қызметіне тыйым салынғанына қарамастан жұмыс істейтін мекемелер анықталды. Мысалы, 22.00-ден кейін «То Место» рестобарында 13 келуші, «Мята» лаундж-барында 33 адам болған. Сондай-ақ тыйымға қарамастан, Janymsoul караоке-клубы (70 келуші), Tooman кальяны және «Джем» караоке-бары жұмыс істеді.
Атап айтқанда, «Джем» иесі мониторинг тобының жұмысына кедергі келтірді: ол бардың есіктерін ішінен жауып, тексерушілерді кіргізбеген.
Мониторинг тобы ғимараттағы есіктерді ашу үшін ТЖМ шақыруға мәжбүр болды.
Келушілер сол аралықта жертөле мен гаражға тығылып үлгерген, оның ішінде үш кәмелетке толмаған бала болды.
«Джем» иесіне қатысты ҚР ҚК 667-бабы бойынша әкімшілік құқық бұзушылық туралы хаттама жасалды, караоке-барда болған 57 келуші де әкімшілік жауапкершілікке тартылды.
Сондай-ақ, барлық ойын-сауық мекемелеріне - тәртіп бұзушыларға және олардың әрбір келушісіне 87 мың теңгеден айыппұл салынды.
Естеріңізге сала кетейік, Қарағанды облысының бас мемлекеттік санитар дәрігерінің 19 қаңтардағы қаулысымен өңір тұрғындарына рұқсат етілмеген қызмет түрлері бар нысандарға баруға, сондай-ақ жұмыс режиміне байланысты олар жабылғаннан кейін жұмыс істеп тұрған нысандарға болуға тыйым салынады.