Мұнда пәтер иелерінің кооперативі жоқ. Күзде тұрғындар өз қаржыларына шатырды жөндеген. Айтарлықтай көлемді қаржы жұмсаған.
«Шатырды арнайы фирма жөнге келтірді. Ал енді қатты желден шатырсыз қалдық», - дейді Киевская көшесі №129 үйдің тұрғыны Федор Никитин.
Бес қабатты үй шатырының аумағы 1200 шаршы метр, оның 300 шаршы метріне нұқсан келген.
Бұл жағдайға қатысты Октябрь ауданы әкімдігінің «тұрғын үй-коммуналдық шаруашылық бөлімі» ММ пікір білдірді.
«Біз оқиғаға барып, мән-жайды анықтадық. Шатыр алғашында-ақ желге төзімді болмаған, шифердың орнына жай тақтаймен жабылған. - деді бөлім. - Жобалық-сметалық құжаттама әзірленді. Мердігер ұйымды табу үшін тендер өткізіледі. Ақша бюджеттен бөлінеді. Табиғаттан келген зақым болғандықтан, тұрғындар ақша төлемейді».