30 сәуірде сағат 05:23-те қаладағы Ерубаев көшесі 48/1 үй мекен-жайында орналасқан бес қабатты үйдің кіреберісінде түтін шығып жатқаны туралы хабарлама түскен. Өрт орнына №10 өрт сөндіру бөлімінің күштері мен құралдары аттанды. Бұған қоса аталған мекен-жайдан түскен көптеген қоңырауларға байланысты өрт орнына қосымша №13 өрт сөндіру бөлімінің күштері де жіберілген.
Өрт сөндіру бөлімшелері оқиға орнына сағат 05:28-де келіп жеткенде кіреберістің бірінен қою түтін шығып жатқан, өрт бірінші қабатта орналасқан пәтерде болған. Қатты түтіннің салдарынан жоғары қабаттарда орналасқан пәтер тұрғындарының өміріне қауіп төнді. Адамдар өз бетінше пәтерлерден шыға алмады. Құтқарушылар дереу тұрғындарды сыртқа шығаруға кірісті. Барлығы 26 адам, оның ішінде 12 бала құтқарылды.