22:22, 04 Қаңтар 2020

Қарағандыда пиротехника бұйымдарын заңсыз сатқандарға 2 млн теңге айыппұл салынды

ҚАРАҒАНДЫ. ҚазАқпарат – Қарағандылық полицейлер 5 мың пиротехникалық бұйымдарды тәркіледі. Бұл бұйымдардың барлығы заңсыз сатылған, деп хабарлайды ҚазАқпарат тілшісі.

Қарағанды облысының аумағында 2019 жылғы 17 желтоқсан мен 2020 жылғы 3 қаңтар аралығында 2 кезеңде «Пиротехника» жедел-алдын алу іс-шарасы өткізілді.

Жедел алдын алу іс-шараларына облыстың ішкі істер органдарының 400-ге жуық қызметкері жұмылдырылды.

«Тиісті рұқсатсыз пиротехникалық бұйымдарды заңсыз сатудың 64 фактісі анықталды, 64 жеке тұлғаға қатысты ҚР ӘҚБК 196-бабы бойынша хаттама толтырылды. Жалпы сомасы 2 221 044 теңге айыппұл салынып, 4715 дана пиротехникалық бұйымдар тәркіленді», - деді ПД баспасөз қызметі.

Қарағанды облысы Қоғам

Айзада Агильбаева

Работает в МИА "Казинформ" с февраля 2019 года. Высшее образование: КарГУ им. Е.А. Букетова, кафедра журналистики. Родилась в поселке Акчатау, Шетского района, Карагандинской области.