Гуманитарлық көмектің алғашқы партиясына азық-түлік, жеке гигиена заттары, дәрі-дәрмектер, киім-кешек жәнетағы да басқа заттар кіреді.
Көмек қабылдау пункттерін Amanat партиясының барлық филиалдары, сондай-ақ өңірлік кәсіпкерлер палатасы мен Достық үйі ашты. Көмекті кәсіпкерлер, қоғам қайраткерлері, өңірдің этномәдени бірлестіктері көрсетуде.
«Кеше, 4 қыркүйекте, өрттен зардап шеккендерге көмек көрсету штабы Қарағанды облысындағы Amanat партиясының барлық филиалдарында таңғы 9-дан бастап ашылды. Ақпарат бірден тарай бастады. Кәсіпкерлер, партиялықтар және қарапайым жанашыр адамдар өз үлестерін қосты. Олар қоңырау шалып, көмектерін ұсынып жатыр», - дейді «Жастар рухы» Қарағанды облыстық филиалының төрағасы Ержан Хамитов.
Сондай-ақ бүгін гуманитарлық көмек қалалар мен аудандардан жеткізіліп, зардап шеккендерге жіберу үшін дереу жүк көліктеріне тиеледі.
Қарағандылықтар қажетті заттар жинаумен шектелмейді. Қоғамшылдар ашқан бірыңғай қорға ақшалай көмек те жиналады.