Жарыс франциялық Кольмар қаласында 30 тамыз бен 2 қыркүйек арасында өтеді. Ұйымдастырушылардың ақпаратынша, оған франциялық Magnus лигасының (Францияның мықты лигасы) 4 командасы: Strasbourg, Amiens, Epinal және Mulhouse, немістің Freiburg (Oberliga - Германияның үшінші лигасы) клубы, сондай-ақ Қазақстанның қарағандылық «Сарыарқа» командасы қатысады.
Жарыс талаптарына сәйкес командалар үш қатысушыдан екі топқа бөлініп, әрбір команда өз тобындағы басқа екі командамен бір-бір ойыннан өткізеді. Өз тобында бірінші орын алған командалар 2 қыркүйекте өтетін финалдағы жеңімпазды анықтайды.
Естеріңізге сала кетейік, қарағандылық «Сарыарқа» жаңа маусымда Ресейдің Жоғары хоккей лигасында сынға түседі.