«Шынында, эстафетаны өткізу үшін бюджеттен қаржы бөлінді. Спортшыларды дайындауға, жалпы бәріне 36 млн теңге берілді, - деді Қарағанды облыстық дене шынықтыру және спорт басқармасының басшысы Наталья Сухорукова өңірлік коммуникациялар қызметінің брифингте. - Біз Алау эстафетасын өткізуді ұйымдастыруға ашық конкурс өткіздік. ҮЕҰ-лар қатысты. «Лучик надежды» ұйымы жеңіп алды.
Оның айтуынша, шараға тек қарағандылық компаниялар ғана жұмылдырылды.
Қарағандыдағы әр университеттің алдында студенттердің қатысуымен флешмоб өткізу жоспарлануда. Әр оқу орнынан - 20 ерікті жасақталды.
Бұрын хабарланғандай, Қарағандыда Универсиада Алауының эстафетасы 26 қаңтар күні өтеді. Алауды «АрселорМиттал Темиртау» АҚ-ның №2 домна пешінен тұтатып алады.