ТАШКЕНТ. KAZINFORM – 3 шілдеден өзбекстандық «Centrum Air» әуекомпаниясының ұшақтары «Нүкіс – Ақтау – Нүкіс» бағыты бойынша рейс орындай бастады, деп хабарлайды Kazinform агенттігінің меншікті тілшісі.
Жаңа тұрақты әуе рейсінің ашылуына орай Ақтау халықаралық әуежайында салтанатты іс-шара өтті. Оны Маңғыстау облысының әкімдігі мен Өзбекстанның Ақтаудағы Бас консулдығы ұйымдастырды.
«Centrum Air» компаниясының ұшағы аптасына екі рет жолаушылар тасымалдайды. Өзбекстан Сыртқы істер министрлігіне қарасты Dunyo ақпарат агенттігінің жазуынша, бұл бағыт екі елдің туристік әлеуетін арттыруға ықпал етеді.
Еске салайық, биыл мамырда «Астана-Самарқанд» бағыты бойынша жаңа әуе рейсі ашылды. Сонымен қатар аталған маршрут бойынша жолаушы тасымалдайтын ұшақтар Түркістан қаласына да аялдайды.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.