Қараша айында тұрғын үй бағасы қымбаттады

НҰР-СҰЛТАН. ҚазАқпарат – Өткен қараша айында тұрғын үй бағасы қымбаттаған. Бұл туралы ҚазАқпарат ҚР Стратегиялық жоспарлау және реформалар агенттігі Ұлттық статистика бюросына сілтеме жасап хабарлайды.

«Бір айда (2020 жылғы қараша 2020 жылғы қазанға) абаттандырылған тұрғын үйлерді алып сату бағалары – 1,6%, жаңа тұрғын үйлерді сату 0,1% өсті. Абаттандырылған тұрғын үйді жалға алу төлемі 0,4% жоғары болды», - делінген хабарламада.