АСТАНА. KAZINFORM – Қарашығанақ кен орнындағы жоспарлы жөндеу жұмыстары мұнай өндіру көлемінің шамамен 400–450 мың тоннаға азаюына әкеледі. Бұл туралы Энергетика министрі Ерлан Ақкенженов мәлім етті.
Оның айтуынша, жөндеу жұмыстарын күзде бастау жоспарланған.
- Қарашығанақ кен орнында жөндеу жұмыстары күзге белгіленген. Біз оны қыркүйектің ортасына жоспарлап отырмыз. Өндіру көлемінің азаюы шамамен 400–450 мың тоннаны құрайды, - деді Ерлан Ақкенженов Үкімет үйіндегі баспасөз мәслихатында.
Бұған дейін хабарланғандай, Орынбор газ өңдеу зауытына дрон шабылуы жасалғаннан кейін Қарашығанақ кен орнынан газ өндіру көлемі қысқартылды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.