ОРАЛ. ҚазАқпарат - Қарашығанақ кенішінде 67 млн астам теңгенің кабелін ұрлаған қызметкер ұсталды, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, компания қызметкері Қарашығанақ кенішіндегі зауыт аумағынан биылғы 5 маусым мен 28 қазан аралығында 7047 метр кабель жымқырған.
Полиция қызметкерлері 42 жастағы К-ны қолға түсірді. Ол зауыт қызметкері болғандықтан, еркін кіріп, 67 млн астам теңгенің мүлкін жасырын жымқырған.
Қазіргі кезде аталған дерек бойынша ҚР ҚК 188-бабы 4-бөлігіне (ұрлық) сәйкес сотқа дейінгі тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).