Қытайдың Ханчжоу қаласында Азия ойындарының соңғы күнінде каратэші Мөлдір Жаңбырбайға күміс медаль бұйырды, деп хабарлайды ҚазАқпарат тілшісі.
Қазақстандық спортшы финалда 2018 жылғы Азия ойындарының жеңімпазы, тайбэйлік Шиау Шуанг Гумен алтын жүлдені сарапқа салды.
Қарсыластар 5:5 есебімен тең түскенімен, алтын соңғы нәтижелі әдісті жасаған тайбэйліктің еншісінде кетті.
Осылайша, Қазақстан ұлттық құрамасы 10 алтын, 22 күміс, 49 қола жүлдемен медальдар кестесінде 11-орынға тұрақтады.
Еске сала кетейік, бұдан бұрын каратэші Мөлдір Жаңбырбайдың Азия ойындарының финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).