«Ауыл шаруашылы секторының компанияларын қарастыру керек. Мүмкін онда «ҚазАгро» құрамындағы компанияларды зерделеп шығу керек шығар», - деді Үкімет басшысы министрге қаратып айтқан сөзінде. Осы орайдағы мәселелерді қадағалауды К. Мәсімов бірінші орынбасары Өмірзақ Шөкеевке жүктеді.
«Бүгінде «ҚазАгро» жүйесіне кіретін компаниялар нарықтық жағдайдағы жұмыстары тұрғысында тартылуы үшін ауыл шаруашылығын толығымен нарықтық талаптарға шығаруымыз қажет. Бұл - оңай үдеріс емес. Себебі, осы бағыттағы шаралар тарифті қалыптастыру және басқа да мәселелерге қатысты», - деді Премьер-Министр.
Сөз соңында К. Мәсімов осы бағыттағы бастамалардың барлығы ашық әрі түсінікті болуы шарт екенін қадап айтты.
Айта кетейік, бүгін Үкімет отырысында Экономикалық даму және сауда министрі Қайрат Келімбетов «Халықтық ІРО» бағдарламасының жобасымен таныстырды. Осы құжатты қабылдау шаралары ағымдағы аптаның сенбісінде болатын Үкімет отырысына жоспарланып отыр.