АСТАНА. ҚазАқпарат – Әлемнің 1-ракеткасы, 20 жастағы испаниялық Карлос Алькарас Уимблдон турнирінің чемпионы атанды, деп хабарлайды ҚазАқпарат тілшісі.
Испаниялық теннисші финалда әлемнің 2-ракеткасы, «Үлкен дулыға» жарыстарының 23 дүркін жеңімпазы, 36 жастағы сербиялық Новак Джоковичпен кездесті.
Өте тартысты өткен матч бес сетке созылып, К.Алькарас 1:6, 7:6 (8:6), 6:1, 3:6, 6:4 есебімен жеңіске жетті.
Бес сағатқа жуық уақытқа созылған бәсеке барысында Карлос 9 эйс жасап, 19 брейк-пойнттың бесеуін пайдаланды. Н.Джокович 2 эйс, 5 брейкпен (15 брейк-пойнт) көзге түсті.
Бұл – Карлос Алькарастың «Үлкен дулыға» додаларындағы екінші титулы. Ол 2022 жылы АҚШ ашық чемпионатында үздік шыққан еді.
Еске сала кетейік, бұдан бұрын чехиялық теннисшінің Уимблдон турнирінің чемпионы атанғанын жазған болатынбыз.
Сондай-ақ Андрей Голубев Аустриядағы жарыстың жеңімпазы атанды.
Жібек Құламбаева Рим турнирінің жеңімпазы атанды.
Фото - Чемпионат.ком
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).