ЛОНДОН. KAZINFORM — Әлемнің 3-ракеткасы, Испания өкілі Карлос Алькарас Уимблдон турнирінің чемпионы атанды.
Испаниялық теннисші финалда әлемнің 2-ракеткасы, «Үлкен дулыға» жарысының 24 дүркін чемпионы, сербиялық Новак Джоковичпен бас жүлдені сарапқа салды.
Өткен жылы финалда қос теннисші кездесіп, онда Алькарас бес сетке созылған матчта жеңіске жеткен еді.
Осыған дейін «Үлкен дулыға» додаларында үш рет үздік шыққан испаниялық спортшы 21 жаста болса, Новак 37-де еді.
Бұл жолы Карлос Алькарас 6:2, 6:2, 7:6 (7:4) есебімен басым түсті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).