Осындай игілікті шара 12740 әскери бөлімінде ұйымшылдықпен өткізілді. Мерзімді әскери қызметке өткен жылдың күз айларында шақырылған сарбаздарды бүкіл жеке құрам сап түзеп тұрып, құрметпен шығарып салды.
Шығарып салу рәсіміне әскери бөлім командирінің шешімімен оркестр «Кездесу маршын» орындап, әскери бөлімнің Жауынгерлік туы желбіреді.
Штаб бастығы жауынгерлік және мемлекеттік-құқықтық дайындықтарда үздік оқуымен, жақсы тәртібімен танылғандарға грамоталар мен бағалы сыйлықтар табыс етті.
Шара соңында әскери бөлім командирі подполковник Ж. Маралов азаматтардың адал қызметіне алғыс айтты. Жеке құрам запасқа шығушылар алдынан салтанатты сап түзеп өтті, деп хабарлады ҚР Қорғаныс министрлігінің баспасөз қызметінен.
.