Қаржы нарығын реттеу және дамыту агенттігі төрағасының орынбасары тағайындалды

АСТАНА. KAZINFORM — Дәурен Сәлімбаев Қаржы нарығын реттеу және дамыту агенттігі Төрағасының орынбасары болды. Бұл туралы Ақорданың баспасөз қызметі хабарлады.

— Мемлекет басшысының өкімімен Дәурен Ниязбекұлы Сәлімбаев Қазақстан Республикасының Қаржы нарығын реттеу және дамыту агенттігі Төрағасының орынбасары лауазымына тағайындалды, — делінген хабарламада.

Бұған дейін Қостанай облысының Қоғамдық даму басқармасына жаңа басшы келгенін жазған едік.