Бұл туралы бүгін брифинг барысында ҚР Экономикалық қылмысқа және сыбайлас жемқорлыққа қарсы күрес агенттігінің ресми өкілі Мұрат Жұманбай мәлім етті.
«Қаржы полициясы органдарының жедел-тергеу тәжірибесі көрсеткендей, этил спирті арақ-шарап өнімін қолдан жасаудағы басты компоненттерінің бірі болып отыр. Қаржы полициясымен заңсыз айналымнан алынған этил спиртінің мөлшері 248 мың литрді құрады», - деді ресим өкіл.
Мәселен, Қостанай облысында айыппұл төлеуге және 1 жылға бас бостандығынан айыру жазасына Дәуітов кесілді. Ол этил спиртін сақтау және сатумен байланысты заңсыз кәсіпкерлік қызметпен айналысып, Лисаковск қаласында аталған өнімнің 8 мың литрін заңсыз сатқан. Оған қоса оның қоймасынан құны 85,7 млн. теңгені құрайтын этил спиртінің 68 мың литрі алынған.
«Оңтүстік Қазақстан облысында Маханбетов 1 жылға бас бостандығынан айыру жазасына кесілді. Ол тиісті лицензиясыз этил спиртін сақтау және сатумен заңсыз айналысқан, нәтижесінде 17,9 млн. теңге табыс тапқан», - деді М.Жұманбай.