Қасақана кісі өлтіріп, қарақшылық жасаған Өзбекстан азаматы экстрадицияланды
00:25, 21 Маусым 2017
АСТАНА. ҚазАқпарат - 2017 жылдың 13-ші наурызы күні Астана қаласы аумағында Өзбекстан Республикасы Қылмыстық Кодексінің 97 бабының 2 бөлігімен (қасақана кісі өлтіру), 164 бабының 4 бөлігімен (қарақшылық) іздеуде жүрген Өзбекстан Республикасының аз. «К» ұсталды, деп хабарлады бүгін Астана қаласының прокуратурасы.
Прокурордың өтініші негізінде Алматы ауданының №2-ші соты ұсталған азаматқа қатысты экстрадициялық қамауға алу шарасын қолданды.
Қазақстан Республикасы Бас прокуратурасы 22.01.1993 жылғы Минск Конвенциясына сәйкес, Өзбекстан Республикасы Бас прокуратурасының азамат «К-ны» беру туралы сұранысын қанағаттандырды.
17.06.2017 жылы азамат «К» Өзбекстан Республикасына беру үшін Алматы қаласына әкетілді.