Аталған санаттар үшін бүгінгі сессия негізгі болды. Бейсенбі күнгі саудаға қор биржасының «валюталық нарық мүшесі» санатындағы 19 мүшесі қатысты, деп хабарлайды ҚазАқпарат биржаға сілтеме жасап.
АҚШ долларының бүгінгі орташа бағамы T 0 есебімен 147,76 теңгені, ал сауда көлемі 240 685 мың долларды құрады. Бұған дейінгі таңертеңгілік сауданың қорытындысымен салыстырғанда, доллар бағамы 0,07 теңгеге арзандап, сессия көлемі 19 500 мың долларға артты.
Т 0 теңге есебімен еуро бойынша мәміле жасалған жоқ. Сессия жабылар сәттегі үздік котировка болған жоқ.
Т 0 доллар есебімен еуроның орташа бағамы 1,3574 долларды, ал сауда көлемі 1000 мың еуроны құрады.