«Қашағанды игерушілер қоршаған ортаны ластаған жағдайда, келісімшартта белгіленген санкциялар мен айыппұлдар салынады. Мұның барлығы Қоршаған ортаны қорғау министрлігінің құзырында. Олар мердігермен бірнеше рет кездесулер өткізіп, улы газдың көлемін нақтылады», - деді Ұзақбай Қарабалин.
Оның айтуынша, нақты сандар айдың соңына қарай белгілі болады. «Бүгінде газ жүйесі бойынша зерттеулер жүргізіліп жатыр. Олардағы барлық олқылықтардың саны 27-ге жеткен. Қазір мәліметтерді зерттеп-зерделеу жүріп жатыр. Біздің ойымызша, айдың соңына дейін жұмыстар аяқталады. Содан соң мердігер газ құбыры мен жалпы құбырлардың жұмыс жоспарын таныстырады», - деді министр.