Қасым-Жомарт Тоқаев 1916 жылғы үркіншілік құрбандарына арналған ескерткішке гүл шоғын қойды
10:03, 22 Тамыз 2025
АСТАНА. KAZINFORM — Президент Қасым-Жомарт Тоқаевтың Қырғыз Республикасына ресми сапары «Ата бейіт» ұлттық тарихи-мемориалдық кешеніне зиярат етуден басталды. Бұл туралы Ақорданың баспасөз қызметі хабарлады.
Мұнда Отанына әр кезеңде қалтқысыз қызмет еткен қырғыз халқының даңқты перзенттері, сталиндік репрессия құрбандары жерленген. Кешенге «Ата бейіт» атауын жазушы Шыңғыс Айтматов ұсынған.
Мемлекет басшысы мемориалдық кешен аумағындағы 1916 жылғы үркіншілік құрбандарына арналған ескерткішке гүл шоғын қойды.
Айта кетелік Қасым-Жомарт Тоқаев Қырғыз Республикасына ресми сапармен барған еді.