Солтүстік Македония Президентінің айтуынша, болашақ өздігінен келмейді, оған қазірден бастап дайындалу керек. Ол бұл ретте дипломатияның тек ғылым емес, өмір сүру салты екенін атап өтті.
Сонымен қатар Силяновская-Давкова Қазақстан Президенті Қасым-Жомарт Тоқаевтың халықаралық аренадағы, әсіресе БҰҰ аясындағы еңбегіне жоғары баға берді.
– Мен Президент Тоқаевтың дипломатия саласындағы тәжірибесі өте бай екенін білемін. Ол өмірінің көп бөлігін БҰҰ-да бейбітшілік орнату жолындағы күреске арнады. Бізде білікті дипломаттар көп, бірақ қазір олардың пікірін ешкім сұрамайды. Сондықтан біз дипломатияның күшін қайта жаңғыртып, болашақты құру үшін мамандардың көмегіне жүгінуіміз керек, – деді Гордана Силяновская-Давкова.
Айта кетейік, бұған дейін Мемлекет басшысы Қасым-Жомарт Тоқаевтың Анталия дипломатиялық форумының панельдік сессиясына қатысу үшін NEST конгресс орталығына барғанын жазған едік.